தமிழ்மணம்- மன்றம்: .:டைனோ:. குறிப்பு

தமிழ்மணம்-மன்றம் பகுதியிலே .:டைனோ:. இட்ட கீழ்வரும் குறிப்புக்கான என் பதிவு.

dyno எழுதியது: வியாழன் ஜூலை 14, 2005 9:45 am அஞ்சலின் பொருள்: வலைப்பதிவர்களின் கவனத்திற்கு!

--------------------------------------------------------------------------------

அன்பு பதிவர்களே!

வலைப்பதிவு இடும் உங்கள் நேரம் எத்தனை பொன்னானதோ அதைப்போலவே மறுமொழியிடும் என்னைப்போன்ற வாசகர்களின் நேரத்தையும் நீங்கள் கருத்தில் கொள்ளவேண்டும். போலி பின்னூட்டங்களையோ, ஆபாச பின்னூட்டங்களையோ நீக்குவது நீக்காதது அவரவர் விருப்பம். ஆனால் கண்ணியமான முறையில் உங்கள் கருத்திற்கு மாற்றாக இடப்படும் பின்னூட்டங்களை நீக்கும் போது பின்னூட்டமிட்டவருக்கு அதைப்பற்றி தெரிவிக்க வேண்டிய குறைந்தபட்ச நாகரீகத்தை கடைபிடிக்கவேண்டும். நேரமிருப்பின் அதை நீக்கியதிற்கான காரணத்தையும் குறிப்பிடல் இன்னும் சிறப்பு.

ப்ளாக்கர் பதிவுகளில் பின்னூட்டம் நீக்கப்பட்டால் அந்த இடத்தில் நீக்கப்பட்டது என்ற அறிவிப்பாவது இருக்கும். ஆனால் வோர்ட் பிரஸ் போன்ற செயலிகளை பாவிப்பவர்களுக்கு அந்த வசதி இருக்கிறதா என்று தெரியவில்லை. அதனால் அச்செயலிகளை உபயோகிக்கும் பதிவர்கள் பின்னூட்டம் நீக்கப்பட்டால் அதை அறிவிக்க வேண்டியது நாகரீகமான செயலாக இருக்கும்.

இந்த குறைந்தபட்ச நாகரீகத்தைகூட உங்களிடம் எதிர்பார்ப்பது தவறெனில் தாமரைத்தண்டின் உயரம் தண்ணீறளவே!


.:டைனோ:.

------------
என்னுடைய இந்தப்பதில் தமிழ்மணம்-மன்றத்தின் நோக்குக்கும் எல்லைக்கும் அடங்கக்கூடியதில்லை என்பதால், இங்கே பதிவு செய்திருக்கின்றேன்.

/தாமரைத்தண்டின் உயரம் தண்ணீறளவே!/

நான் வேர்ட்ப்ரஸ் பயன்படுத்துவதில்லை என்றபோதுங்கூட, இந்தச்சொற்றொடர் ஒத்த சொற்றொடரை -/பெயரிலி. ஆகிய நானும் பயன்படுத்தி, சந்தர்ப்பவசமாக .:டைனோ:. உம் என்னுடைய [u]அலைஞனின் அலைகள்: குவியம் - முகமூடிகளின் வருகை[/u] [url]http://wandererwaves.blogspot.com/2005/07/blog-post_13.html [/url] பதிவிலே நேற்று பின்னூட்டமிட்டிருப்பதால், மேலிருக்கும் .:டைனோ:. இன் வேண்டுகோள், சிலருக்கு .:டைனோ:. இன் பின்னூட்டம் எதையாவது நான் மேற்கூறிய என் முகமூடிகளின் வருகை பதிவிலே அழித்திருக்கக்கூடும் என்ற சந்தேகத்தினைத் தரலாம்.

அப்படியாக எந்தவிதமான அழித்தல் ஒழித்தல் ஆகிய நடவடிக்கைகளிலும் நான் ஈடுபடவில்லை (நான் வேறு சில என் பதிவுகளிலே நீக்கிய, மனிதன் என்ற பெயரின் கீழ் வந்த "ஆ!பாச"ப்பின்னூட்டங்கள் இட்டவர் .:டைனோ:. இல்லை என்ற நம்பிக்கையிலே எழுதுகிறேன்) என்று இத்தால் உறுதியளிக்கின்றேன்.